Amobla l'asturianu del futuru

Financióse'l 31 / 05 / 2022
¡Cofinancióse!
Consiguióse
£ 3,191
Mínimu
£ 2,492
Óptimu
£ 3,302
87 Cofinanciadores
Canal
  • Aportando £ 9

    Sofito con 10€

    El to nome va apaecer nel cuadru que colgaremos na entrada del local con toles persones que collaboraron solidariamente con nós.

    > 19 Cofinanciadores
  • Aportando £ 17

    Sofito con 20€

    El to nome va apaecer nel cuadru que colgaremos na entrada del local con toles persones que collaboraron solidariamente con nós. Amás vas recibir una pegatina personalizada pa presumir de la to aportación na campaña.

    > 18 Cofinanciadores
  • Aportando £ 43

    Sofito con 50€

    El to nome va apaecer nel cuadru que colgaremos na entrada del local con toles persones que collaboraron solidariamente con nós. Amás vas recibir una pegatina y una camiseta de Reciella.

    > 25 Cofinanciadores
  • Aportando £ 86

    Sofito con 100€

    La recompensa pola mayor de les aportaciones axunta les recompenses anteriores (el to nome va apaecer nel cuadru que colgaremos na entrada del local, una pegatina y un imán de nevera personalizáu) amás d'una una camiseta de la nuestra asociación y un CD de música n'asturianu pa la reciella.

    > 10 Cofinanciadores

Sobre esti proyeutu

El local de l'asociación de families Reciella yá ye una realidá, ¿échesnos un gabitu p'amoblalu?

Necesidaes Material Mínimu Óptimu
MOBILIARIU ANTOXANA
Bancu con puertes (70€) + zapateru (20€) percheru (58€) + panel llaves/avisos (80€) + marcos (12€).
£ 206
MOBILIARIU DESPACHU - BIBLIOTECA
Escritoriu (179€) + siella (69€) + siella de trabayu (149) + armariu archivador (169€) + estantería llibros (117€) + material oficina (62€).
£ 643
Necesidaes Xera Mínimu Óptimu
MOBILIARIU AULA PEQUEÑA
Almacenaxe con casilleros (140€) + llibrería (130€) + silles y meses (250€)
£ 446
MOBILIARIU AULA GRANDE
Almacenaxe con casilleros (140€) + llibreríes (260) + sielles y meses (350€).
£ 643
MOBILIARIU ALMACÉN
Estantería fondu (145€) + estantería baxa (100€) + caxes (50€).
£ 253
COSTOS ADICIONALES
Gastos de xestión na web Goteo.org, transaciones nel bancu, PayPal, etc.
£ 300
DELLOS
Marcos cartelos Reciella (180€) + cambiador (95€) + enceraos (200€) + espeyos (65€) + alfombres viníliques (140€).
£ 583
TRESPORTE y MONTAXE
Tresporte del mobiliariu y montaxe y anclaxe a la paré de los elementos que necesiten d'ayuda profesional.
£ 227
Total £ 2,492 £ 3,302
Imprescindible
Adicional

Información xeneral

El local de l'asociación de families Reciella yá ye una realidá gracies a la cesión per parte del Ayuntamientu de Xixón d'un local nel barriu de Moreda (El Natahoyo. Xixón).

Nél queremos centralizar toles actividaes qu'hasta'l momentu tábemos desarrollando en diferentes espacios cedíos (colexos, Conseyu la Mocedá, espacios particulares...):

  • Actividaes selmanales como La Escolina (grupos infantiles d'interacción lúdica y educativa n'asturianu) o'l grupu de teatru.
  • Actividaes periódiques como talleres, cuentacuentos, teatru, manualidaes, etc.
  • Campamentu de branu.
  • Y munches más que seguro va dar pie cuntar, por fin, col nuestru espaciu.

Tamién va permitinos:

  • Habilitar un espaciu de biblioteca, pal catálogu y el préstamu de Lliteratura Infantil y Xuvenil n'asturianu.
  • Organizar y custodiar los nuestros materiales nel almacén.
  • Espaciu de reunión y recepción alministrativa.

Pero pa que too esto seya posible fai falta enllenalu de futuru en forma de meses, sielles, estanteríes...que nos permitan da-y forma a los espacios y desarrollar la nuestra actividá plenamente.

Características básicas y objetivos

Les estancies que tienen d'amoblase son:

  • Antoxana (percheros y zapateros).
  • Despachu y Biblioteca (mesa y sielles de despachu, muebles archivadores y estanteríes de biblioteca).
  • Aules (sielles y meses, estanteríes y armarios pa material didáctico, alfombres).
  • Almacén (estanteríes y caxes d'almacenaxe).

Amás cuntamos completar esti moblame con otres cuestiones menores como pudieren ser: marcos, archivadores, espeyos, enceraos, cambiador, organizadores de paré.

L'asociación va recuperar o facese cargu de la compra del material informáticu, del office y materiales escolares.

Motivación y a quién va dirigido el proyecto

El nuevu local de Reciella ye una maraviyosa oportunidá, como yá esplicamos, pa completanos como asociación, pero tamién va suponer a les families socies unos gastos añales adicionales. Ye por esto que-y apurrimos a la sociedá en xeneral la oportunidá d'echanos un primer gabitu pa echalu a andar.

Reciella ye una asociación de la que formamos parte families de toa Asturies, anque ye especialmente importante la nuestra actividá en Carreño, Comarca la Sidra, Uviéu, y sobre manera Xixón. La situación d'esti llar social va empobináu polo tanto a los neños y neñes de l'asociación que viven nesta ciudá, pero tamién a los d'otres poblaciones, dada la cercanía a les principales víes de comunicación que tien la zona de Moreda (Xixón).

Esperiencia previa y equipu

Reciella ye una asociación de families que naz hai diez años cuando les families de l'asociación entamaron a tener fíes y fíos y vieron que la socialización n'asturianu ye mui complicada n'Asturies. A partir d'esi momentu entamamos a facer actividaes, a lo primero mui cencielles, como xuntanos en merenderos a facer talleres, o xuntanos pa cuntanos cuentos.
Pasu ente pasu fuimos abriendo les nuestres acciones, organizando eventos como'l Día la Reciella, qu'axunta tolos años nel Muséu del Pueblu d'Asturies (Xixón) a cientos de persones, o'l Festival d'Artes Escéniques Escenines, que tolos años se celebra nel mes d'avientu.
Al tiempu consolidamos les actividaes selmanales y les xuntances de families pa les visites a museos, los talleres o les escursiones. Siempre n'asturianu.

Compromisu social

Objetivos de Desarrollo Sostenible

  • Educación de calidad

    Garantizar una educación inclusiva, equitativa y de calidad y promover oportunidades de aprendizaje durante toda la vida para todos

  • Ciudades y comunidades sostenibles

    Lograr que las ciudades y los asentamientos humanos sean inclusivos, seguros, resilientes y sostenibles

  • Paz, justicia e instituciones sólidas

    Promover sociedades, justas, pacíficas e inclusivas