Aportando $ 16
Gracies por ayudar a cumplir esti suañu
- Agradecimientos na nuesa web.
- Sortéu d'una cesta de productos ecolóxicos.
Recuerda qu'esta aportación desgrava. Puedes calculalo equí
> 06 Cofinanciadores
Sobre esti proyeutu
Biltando Suaños
Amosar la llista de necesidaes
Infraestructura
|
Mínimu | Óptimu |
|---|---|---|
|
Entrada de la finca
Arreglu del accesu a la finca y execución d'una entrada accesible para tractores y otros vehículos necesarios para traer el material. Llimpieza y adecuación de la reguera y nivelación del terrén.
|
$ 2,318 | |
|
Zarru de la finca
Zarru perimetral con postes de madera ya instalación de malla cinexética y alambre d'espín para evitar la entrada d'animales na finca y a les güertes.
|
$ 1,906 | |
|
Sistema de riego
Depósitos d'agua y rede de riego pa les güertes y viveros.
|
$ 1,453 | |
|
Estanque
Escavación pa la creación d'un estanque natural de manantial na finca. Material y mano d'obra del mesmu.
|
$ 1,991 | |
|
Caseta de preseos
Merca de materiales y execución de caseta pa les ferramientes.
|
$ 1,884 | |
|
Ampliación de la entrada
Esta obra dexaríanos realizar el zarru pel esterior de la reguera y aprovechar l'agua de la mesma pal riego.
|
$ 1,679 |
Material
|
Mínimu | Óptimu |
|---|---|---|
|
Invernaderu
Compra de materiales y execución d'un invernaderu pal viveru y pa la güerta.
|
$ 1,975 | |
|
Material pa güertes
Ferramientes para les güertes y caltenimientu de la finca. Material pa la fabricación de composteres. Cucho y paya pa les güertes. Instrumentos de güerta y almacenaxe.
|
$ 1,012 |
Xera
|
Mínimu | Óptimu |
|---|---|---|
|
RRSS y comercialización
Creación y caltenimientu de páxina web y RRSS. Diseñu de logo y comercialización. Eventu d'inauguración (inclúi eventu-espicha d'inauguración con sidra, picotio, música y otres sorpreses).
|
$ 2,099 | |
|
Arreglu del camín
Arreglu del camín d'accesu a la finca. Son unos 300 metros de distancia dende'l camín asfaltáu hasta la finca. Adecuación del pavimentu pa facilitar l'accesu a les persones usuaries de la finca.
|
$ 1,668 | |
|
Ayuda de pala
Ayuda de pala pa les obres de la entrada, movimientu de tierres, explanación, claváu d'estaques del zarru de finca...
|
$ 807 | |
|
Invernaderu
Instalación d'un invernaderu adicional pal viveru.
|
$ 1,975 | |
|
Meyora de güertes
Separación de güertes, execución de caminos con xeotextil y malla separadora
|
$ 759 | |
| Total | $ 10,763 | $ 21,526 |
Imprescindible
Adicional
Información xeneral
El Viescu ye n'asturianu un pequeña viesca, pero tamién somos una asociación ensin ánimu d'arriquecimientu que busca defender les redolaes naturales d'Uviéu sobremanera la sierra del Naranco, promoviendo la soberanía alimentaria y l'agroecoloxía, asina la participación de la sociedá nel cambéu de modelu.
A finales del 2021 adquerimos una finca nel Naranco, na que queremos entamar actividaes de sensibilización, crear un viveru d'especies autóctones coles que repoblar el monte, unos güertos urbanos, desenvolviendo un trabayu en rede con otres entidaes y lluchar contra la especulación y destrucción paisaxística del monte totémicu de les carbayones que supon l'autopista de la Ronda Norte.
Características básicas y objetivos
El proyeutu consiste na creación d'un espaciu sociocultural nel campu na redolada de la capital asturiana, nel mesma llinde de la ciudá consolidá y nes faldes del monte Naranco. Dientro del programa de necesidaes del proyeutu diseñáronse trés espacios: Una zona destinada a allugar una ventena de güertos, invernaderos y viveros de plantíos d'especies arbóreas autóctones y un espaciu de dinamización.
Pa poder poner en funcionamientu esti programa precísase acometer delles actuaciones: el zarru de la parcela (qu'evite les incursiones de xabalíes), la infraestructura pa la recoyida y almacenamientu d'agua (para'l cultivu pel branu), l'alquisición de los invernaderos y una caseta de preseos. Tol dineru qu'entepase vamos dedicalu a tresformar el Viescu n'una Viesca (n'asturianu: bosque de mayor tamañu). Esto ye, ampliar el proyeutu cola alquisición de nueves finques, más güertos y repoblaciones d'especies autóctones, más espacios socioculturales... ;)
Los oxetivos son:
- Promover la sostenibilidá económica, social, ambiental y política.
- Fomentar la concienciación, en valores ecolóxicos, cuantimás los referíos a redolaes naturales y patrimonios culturales por aciu información y formación social.
- Promover la participación activa de la sociedá pa la transición hacia un nuevu modelu alternativu de sociedá.
- Promover la concienciación y defensa del territoriu uvieín y en particular de la sierra del Naranco.
- Visibilizar la potencialidá del periurbano uvieín, como espaciu d'esparcimientu y agrícola de proximidá, y concenciar contra nuevos atentaos contra'l patrimoniu carbayón como l'autopista de la Ronda Norte.
- Ser la primer pieza d'un futuru parque colectivu del monte Naranco.
- Tener un viveru d'especies autóctones para empecipiar repoblaciones nel conceyu d'otros espacios colectivos.
Motivación y a quién va dirigido el proyecto
El Proyeutu de la Ronda Norte ye'l mayor atentáu medioambiental na hestoria del nuesu conceyu. En particular el monte Naranco, suelu d'Especial Proteición, sería tarazáu per esta autopista estropiando irreversiblemente les sos cualidaes paisaxístiques, incluyendo dos patrimonios de la humanidá, el Prerrománicu Asturianu y el Camín de Santiago. L'allugamientu de la finca nun ye polo tanto nada casual, ye una estratexa activa de resistencia ciudadana frente a los intereses especulativos, cuidao que ta sobre'l trazáu diseñáu pol Ministeriu de Tresportes, Movilidá y Axenda Urbana pol que pue que escurra la infraestructura.
Por ello queremos entamar actividaes productives y actuaciones de sensibilización y formación empobinaes a la ciudadanía, axentes educativos, económicos y sociales, alministraciones públiques… y que visibilicen la verdadera potencialidá del Naranco como espaciu d'esparcimientu ecosocial de la contorna.
Somos un grupu de persones que vivimos n'Uviéu y contorna, delles participantes n'otres asociaciones o grupos ecoloxistes o de participación ciudadana n'ámbitos sociales o urbanísticos y otres cenciellamente interesaes en dar vida al mediu rural de la redolada d'Uviéu.
Cuntamos con una parcela nel Naranco como base del proyeutu y con muncha ilusión de faer posible un cambéu de modelu de sociedá y compartir esperiencies con toles persones y asociaciones comenenciudes en collaborar.
Compromisu social
Acción por el clima
Creación d'un espaciu pa la resistencia agrícola y la proteición del patrimoniu natural (el monte Naranco) frente a la especulación urbanística.
- ODS Ciudaes y comunidaes caltenibles: la crecedera estensiva de les ciudaes consume terrén fértil y recursos cada vez más escasos. En cuenta de apostar pola urbanización del rural (n'actual progresión), apostamos pola ruralización de les ciudaes.
- ODS Producción y consumu responsables: El consumu y la producción mundiales (fuerces impulsoras de la economía mundial) dependen del usu del mediu ambiente natural y de los recursos d'una manera que sigue teniendo efectos destructivos sobro'l planeta. Creemos nun consumu y xuna producción caltenible, llocal y ecolóxica.
- ODS Acción pol clima: El 2019 foi'l segundu añu más calorosu de tolos tiempos. Los sistemes meteorolóxicos tán camudando, los niveles del mar tán xubiendo y los fenómenos meteorolóxicos son cada vez más estremos. Apostamos por una economía verde, sociedaes más resilientes nun modelu caltenible ya inclusivu.
- ODS Vida d'ecosistemes terrestres: ye necesariu encetar les amenaces a les que s'enfrenten les especies monteses y los ecosistemes. Defendemos los hábitats naturales frente a la especulación urbanística y sofitamos proyeutos de defensa del mediu natural y los sos habitantes.
Objetivos de Desarrollo Sostenible
-
Ciudades y comunidades sostenibles
Lograr que las ciudades y los asentamientos humanos sean inclusivos, seguros, resilientes y sostenibles
-
Producción y consumo responsables
Garantizar modalidades de consumo y producción sostenibles
-
Acción por el clima
Adoptar medidas urgentes para combatir el cambio climático y sus efectos
-
Vida de ecosistemas terrestres
Gestionar sosteniblemente los bosques, luchar contra la desertificación, detener e invertir la degradación de las tierras y detener la pérdida de biodiversidad