Aportando £ 9
Amadrina una Teya
Por namás 10€ podrás amadrinar una teya de La Benéfica; patrocines el derribu y construcción del teyáu
*Recuerda que esta aportación desgrava! Calcúlalo 👉 aquí
> 280 Cofinanciadores
Sobre esti proyeutu
Queremos remocicar un antiguu teatru y sala de fiestes nun pueblu del Oriente d'Asturies, L’Infiestu, para convertilo nun centru de cultura y arte de referencia que aúne vanguardia y tradición
Amosar la llista de necesidaes
Infraestructura
|
Mínimu | Óptimu |
|---|---|---|
|
CUBIERTA
Bajantes Zinc
|
£ 1,114 | |
|
CUBIERTA
Canalón cubierta de teja
|
£ 2,811 | |
|
CUBIERTA
Remate Chimenea
|
£ 457 | |
|
CUBIERTA
Cobertura teja plana envejecida con rastriles
|
£ 18,187 | |
|
CUBIERTA
Membrana impermeable tipo TYVEC
|
£ 4,482 | |
|
CUBIERTA
Panel Sandwich
|
£ 25,540 | |
|
RED HORIZONTAL DE SANEAMIENTO
Red Horizontal de Saneamiento
|
£ 2,316 | |
|
CIMENTACIONES Y SOLERAS
Cimentaciones y soleras
|
£ 1,161 | |
|
INSTALACIÓN DE FONTANERÍA
Instalación de fontanería
|
£ 2,036 |
Xera
|
Mínimu | Óptimu |
|---|---|---|
|
CUBIERTA
Reparación forjado de madera de cubierta y alero
|
£ 29,369 | |
|
DEMOLICIONES
Demoliciones
|
£ 6,135 | |
|
MOVIMIENTOS DE TIERRAS
Movimiento de tierras
|
£ 2,036 | |
|
PLAN DE SEGURIDAD Y SALUD
Plan de seguridad y salud
|
£ 1,262 | |
|
ILUMINACIÓN
Iluminación
|
£ 16,316 | |
| Total | £ 81,960 | £ 113,223 |
Imprescindible
Adicional
Información xeneral
La Benéfica - Espaciu Cultural agora mesmu ye un gran suañu. El suañu de tener en L’Infiestu, Piloña, un espaciu que combina cuatro inquietudes: la espresión artísticu cultural, l'acción comuñal, la llucha contra l'abandonu y la despoblación de les zones rurales y la trasmisión de conocencies.
Queremos algamar un espaciu que dea visibilidá a la espresión artística contemporanea y vanguardista, pero tamién a la cultura popular y tradicional, y qu'amás facilite la tresmisión de conocencia ente les distintes xeneraciones. Un espaciu totalmente entroncado na comunidá, qu'estimule l'ecosistema cultural del Conceyu de Piloña, y tamién un espaciu d'ociu pa los mozos y non tan mozos. Una razón pola que nun colar del pueblu, un llugar onde crear y esfrutar de la cultura. Pero, coles mesmes, La Benéfica ye un proyectu ambiciosu, que pretende tener impactu munchu más allá d'Asturies, texendo aliances con proyectos artísticos de toa Europa, y con una programación que faga del centru una referencia a nivel nacional.
Características básicas y objetivos
La nave de La Benéfica tuvo munches vides. El nuesu oxetivu ye rehabilitar y recuperala pa que vuelva ser, en parte, lo que yá foi nel pasáu. Construyida en 1926, la nave foi el llar de La Benéfica de Piloña, Sociedad de Socorro Mutuo. El fin de la sociedá, como munches otres de la so dómina, yera que los socios y socies (vecinos/es del pueblu), aidárense mutuamente nos sos problemes: enfermedaes, vilbedá, lliquidez... Coles aportaciones de los asociaos atendíen necesidaes que l'estáu, o otres instituciones, nun podíen cubrir. La Sociedá de La Benéfica llegó a tener tanto ésitu que construyeron una nave rectangular d'unos 400m2 y que funcionó como teatru, salón de baille, llugar d'alcuentru social y cine tolos domingos.
Esta pequena utopía artística y solidaria remató en 1946, y la nave pasó a ser una fábrica de dulce, depués un parking y depués abandonóse. Nós, queremos reconstruyir la nave, recuperar l'espíritu col que se construyó y, darréu, socorremos es unes a les otres, mutuamente, al traviés de les artes y de la cultura.
Desque entamamos cola idea hasta que mercamos la nave, el sofitu y l'entusiasmu de les vecines y vecinos de Piloña foi lo más importante. Vemos qu'el Espaciu Cultural ye una necesidá que non solo tenemos nós, y que realmente se puede convertir n'un revulsivo pa les que vivimos equí y pa les que mos visiten, yá que nel oriente d'Asturies nun hai nengún espaciu asemeyáu que cumpla con esta misión.
El siguiente pasu, y pol qu'entamamos esta campaña de financiamientu colectivu, ye reconstruyir les partes básiques de la nave pa poder llograr una llicencia d'apertura y entamar a programar actividaes lo antes posible. Pa ello hai que realizar baltaderes y movimientos de tierres, reconstruyir la cubierta, facer un plan de seguridá, etc.
Motivación y a quién va dirigido el proyecto
La visión que tenemos de La Benéfica ye que sía un espaciu abiertu y que perteneza, coles mesmes, a munches persones. Por eso, esta campaña ta dirixía a cualesquier persona, empresa o entidá que quiera formar parte d'un proyectu que pon en valor la cultura, la comunidá, l'arte y lo rural. Tanto si vives n'Asturies, como si te encanta venir equí, como si nun tienes pensáu venir enxamás. La Benéfica ye munchu más qu'un espaciu físicu, ye una idea de cómo vivir y promover la cultura y l'arte nun mediu non convencional, llueñe de les capitales culturales y del gran públicu.
Cuntamos yá col sofitu del Conceyu de Piloña, que siempres sofitó la idea, empreses locales como Ordum Cerveces Artesanes, Sidra Viuda de Angelón o Asturcilla, y tamién nacionales como Filmin y Primavera Sound. Pero lo que más valoramos (y precisamos) son persones d'a pie que se xunan a esti proyectu. Diseñemos unes recompenses pa tolos gustos y esperamos que les esfrutéis. Si tienes dalguna otra idea de collaboración, ¡ponte en contactu con nós!
La Benéfica de Piloña ye una asociación ensin ánimu d'arriquecimientu fundada en marzu de 2021 por Sergi Martí, Nachu Somovilla y Rodrigo Cueves, y rexistrada con númberu 622424 nel rexistru Nacional d'Asociaciones. Anque'l so proyectu principal ye la rehabilitación de la nave y la puesta en marcha del Centru d'Arte y teatru, l'asociación tamién entama actividaes artístiques y culturales en cumplimientu colos sos estatutos.
Los impulsores y ceadores d'esti proyectu son:
Ignacio Somovilla
Llicenciáu n'Hestoria del Arte pola Universidá de Barcelona y en Derechu pola d'Uviéu y Máster en Xestión Cultural na Universidá del Oeste d'Inglaterra (Bristol). Desenvolvió la so carrera profesional nel ámbitu de la xestión cultural en distintos proyectos artísticos. Anguaño lleva a cabu'l so proyectu de divulgación del arte del xardín en diversos medios radiofónicos y periodísticos, amás d'autor d'un par de llibros y cola puesta en marcha d'un proyectu editorial. Reparte la so vida ente Barcelona, Asturies y dalgún xardín maraviyosu.
Sergi Martí
trabayaor social, la so ocupación actual ta centrada na participación ciudadana, polo que ta en constante relación con munches entidaes y organizaciones. Tamién militó y collaboró con asociaciones comuñales del ámbitu de la salú. Anque vive gran parte del tiempu en Barcelona, dende va años ta venceyáu con Asturies, onde ta implicáu en distintes acciones culturales y onde establez la so segunda résidencia.
Rodrigo Cuevas
pianista de formación (conservatorio d'Uviéu y ESMUC de Barcelona) y folklórico de vocación. Artista y agitador cultural, nacíu n'Uviéu pero emigráu a les zona rurales primeru de Galicia y depués de Piloña, onde agora s'asitia. Amante del mundu tradicional y de la vida nel campu, dedícase a dinamizar la zona rural de Piloña al traviés de la cultura mientres xira polos teatros colos sos espectáculos folklóricos.
Los trés, xunto a 2 buenes amigues, Cecilia y María González, dirixen y xestionen el festival “Una Señora Fiesta” en Vegarrionda.
Pa la creación d'esti proyectu l'Asociación La Benéfica de Piloña ta collaborando con arquiteutos, diseñadores, artistes, y munches persones que tán poniendo'l so granu d'arena por que salga alantre.
Compromisu social
Crear cultura
La recuperación del edificiu históricu de La Benéfica de Piloña, supon non namás una restauración d'un bien material hestóricu-artísticu, sinón tamién la reconstrucción d'una parte de la hestora de l'Infiestu y de Piloña. Una pequeña hestoria d'organización social y hermanamiento ente vecinos y vecines vectoriada pola cultura y al arte.
Nel edificiu, fundáu nel añu 1926 como teatru y sala de fiestes, había tamién formaciones profesionales, cursos y cine los domingos. Foi, xuntu col casinu de l'Infiestu, el llugar al traviés del cual llegó la modernidá a la villa. La modernidá cultural y técnica. El primer teatru puramente dichu y el primer llugar onde se proxectaben películes de forma regular.
Esta pequeña utopía cultural desenvuélvese nun contestu sociu-cultural bien distintu al panorama piloñés actual. Piloña nel añu 1926 tenía 18.000 habitantes nuna dómina na que Xixón tenía 60.000. La mayoría de los pueblos del conceyu nun teníen carretera nin siquier, polo que la villa de l'Infiestu funcionaba como una verdadera capital cultural y social.
Cola Benéfica queremos recuperar aquél espíritu comuñal de l'antigua Sociedad Benéfica y devolver al conceyu un espaciu nel qu'impulsar tola actividá cultural que yá esiste nel territoriu, y de la mesma conectala con otros llugares.
Objetivos de Desarrollo Sostenible
-
Trabajo decente y crecimiento económico
Promover el crecimiento económico sostenido, inclusivo y sostenible, el empleo pleno y productivo y el trabajo decente para todos
-
Ciudades y comunidades sostenibles
Lograr que las ciudades y los asentamientos humanos sean inclusivos, seguros, resilientes y sostenibles
-
Producción y consumo responsables
Garantizar modalidades de consumo y producción sostenibles
-
Alianzas para lograr los objetivos
Revitalizar la Alianza Mundial para el Desarrollo Sostenible