"La violencia obstétrica va empezar a desapaecer el día nel que la policía vaya a buscar a so casa a los profesionales que la practiquen y a los responsables que la toleren, envede dir a buscar a les muyeres que la sufren" David Moreno, Matrona.
#nonyenon #elmiopartu #respetu #elmiopartulamiodecisión #violenciaobstétrica
Puedes firmar la petición en change equí
Y lleer más artículos sobre esti tema equí
Como sociedá y comunidá queremos defender xurídicamente los derechos humanos, la llibertá de decisión alredor del nuestru cuerpu y l'autonomía del paciente (lleer más del casu un pocu más p'abaxu). Queremos qu'esta violación por parte del sistema sanitariu y xurídicu nun se repita nunca más. Queremos que los nuestros derechos sían reconocíos y esti casu siente precedente pa que nunca vuelvan a ser arrebataos.
Nun tamos dispuestes a que'l sistema siga pensando que puede tomar decisiones por nosotres cuando somos persones adultes y con capacidaes plenes, que queremos per enriba de too, el bien pa la familia que tamos xestando.
NOTA DE PRENSA
Pente medies de la presente nota alertamos a la comunidá internacional de la grave violación de los derechos humanos d’una muyer n’estáu, que taba pa parir, n’España.
El día 24 d’abril de 2019, n’Uviéu, Asturies, una muyer que tenía contratada a una matrona independiente, decidió aceptar, a les 42 selmanes de xestación, la monitarización qu’ufieten los hospitales españoles cuando les muyeres allancen más p’allá de la selmana 40
Pesie a que los monitores nun señalaben riesgu vital, el médicu aneció n’intervenir.
La muyer y la pareya d’ella quisieron dar una vuelta pa tomar una decisión, pa volver depués pela consulta del médicu. Ellí atoparon la zona zarrada al pasu, y marcharon pa casa, onde entamó ella coles contracciones. Venticuatro hores depués la policía presentóse-yos en casa con una orde xudicial p’arrestala y llevala al hospital col fin de sometela a una inducción del partu.
Depués d’aldericar cola policía, la pareya diose y a la muyer llévenla al hospital arrestada, onde la dexen más d’una hora n’Urxencies, dalgo que nos paez que nun casa cola urxencia qu’implica la orde d’arrestu.
Depués d’esto a la muyer treslládenla a planta, onde siguió de forma natural coles contracciones y más tarde al paritoriu. Sea como fuere al otru día fízose-y una cesárea argumentando “falta de dilatación”, dalgo que pa quienes trabayamos nes cuestiones de la paridera sabemos que ye más que posible que la falta de dilatación se diera por tremendu estrés al que se sometió a esta madre.
Sentímonos dafechamente indignaes poles formes tan poco respetuoses coles que se trató a esta muyer, a lo so familia y a la so criatura.
Nun dexamos d’ablucar al saber qu’una institución medica n’España pue mandar arrestar a una muyer de partu y alcontrar un representante de la llei que lo secunde y lo faiga.
Dende esta indignación creemos una plataforma intenternacional y entamemos un movimiento en redes sociales coles etiquetes #mi parto #mybirth pa sofitar a una muyer nun país nel que la opción del partu en casa nun ta aceptada socialmente, nin cubierta pola Seguridá Social y onde los más de los medios de comunicación y la sociedá fala de la noticia dende’l puntu de vista de que l’actuación médica y xudicial foi correcta y con un despreciu total pa con los derechos de la muyer.
La nuestra plataforma compónse de profesionales del nacimientu, abogaes y tamién usuaries, y a fin de cuentes persones que creemos que la violación de los derechos humanos d’esta muyer representa la violación de los derechos humanos de toles muyeres.
Dalgunes de nosotres trabayemos nel 2014 nel casu d’una cesárea forzada en Brasil y nun podemos creer nin aceptar que siga habiendo procedimientos médicos pola fuerza nos partos.
Creemos firmemente que los derechos humanos de les muyeres nel partu tienen que s’entender ensin ambigüedaes y demandamos xusticia pa esta muyer, al tiempu que la reclamamos pa toles muyeres del mundu.
Contactu: parirenlibertadspain@gmail.com
International contact: jesusaricoy@gmail.com/ daraluzasturias@gmail.com
L’oxetivu d’esti crowdfunding ye la defensa xurídica y l’aición social qu’esti casu sofita.
Defendiendo los derechos d’esti casu concretu, defendemos los derechos de toles preñaes. Tamos espardiendo concienciación social a traviés de la páxina de Facebook, Plataforma Mi Parto/My birth y dende la páxina y canal de youtube de Dar a luz en Casa, equí y nesti otru enllaz.
Queremos qu’esto nun vuelva pasar, qu’el sistema sanitariu, y el xudicial, -y dean un par de vueltes enantes de pasar penriba de los nuesos derechos fundamentales.
Esta causa ye perimportante pa la defensa los derechos humanos de les persones, y en particular de les muyeres. Entá se nos trata dende’l paternalismu y la falsa creyencia de que l’estáu y/o los servicios saitarios saben lo que meyor pa nosotres y pa los nuesos naciatos que nós mesmes. Les lleis ehí tán, y tan de parte nueso, y por embargu, les persones que se supón debieren cumpliles dóblenles pa obliganos a intervenciones coles que nun tamos d’alcuerdu.
Esto tien que cambiar yá.
Esti equipu ta formau por un grupu pergrande de persones que nos sintimos ofendíes ante la situación vivía por esta familia. Somos personal sanitariiu, madres, profesionales de to los tipos, muyeres, homes… que nos xuntamos pa que la xusticia defienda a quien hai que defender dafechu.